Argentina ǵalymdary dinozavrlardyń jańa túrin anyqtady, dep habarlaidy QazAqparat HAA Euronews aqparat agenttigine silteme jasap.
Ol Djordj Martinniń «Muz ben ot ánderindegi» aidahardyń qurmetine Merakses Gigas dep ataldy. Kesirtkeniń basy úlken, aldyńǵy aiaqtary qysqa bolǵan.
Bul – 90 millionnan astam jyl buryn Patagoniiada ómir súrgen jyrtqysh karharodontozavr. Aldyńǵy aiaqtarynyń qysqalyǵy ony tirannozavr reks túrine uqsatatyn.
Sarapshylar dinozavrlardyń bul qasieti olardyń toptasyp tamaqtaný kezinde basqa dinozavrlardyń tisteýinen qorǵaǵan dep paiymdap otyr.
«Olar – buryn-sońdy tirshilik etken eń úlken jyrtqysh dinozavrlardyń biri. Biraq buǵan deiin bas súiekteri bútin túrinde tabylmapty. Kóptegen ólshemder tek boljam bolǵan. Endi Meraks anyqtalǵan kezde, biz bas súiek pen tabannyń naqty ólshemine jaqyndadyq. Bul osy túrdiń evoliýtsiiasyn túsiný úshin qajet», - deidi paleontolog Sebastian Apestegýiia.
Argentinada tabylǵan dinozavrdyń jasy 39 ben 53 arasynda bolǵan.
Bul – jer betinde tabylǵan eń kóne úlgilerdiń biri. Merakses tirannozavr reks paida bolǵanǵa deiin shamamen 20 million jyl buryn joiylǵan.
