ارگەنتينا عالىمدارى دينوزاۆرلاردىڭ جاڭا تٷرٸن انىقتادى, دەپ حابارلايدى قازاقپارات حاا Euronews اقپارات اگەنتتٸگٸنە سٸلتەمە جاساپ.
ول دجوردج مارتيننٸڭ «مۇز بەن وت ەندەرٸندەگٸ» ايداھاردىڭ قۇرمەتٸنە مەراكسەس گيگاس دەپ اتالدى. كەسٸرتكەنٸڭ باسى ٷلكەن, الدىڭعى اياقتارى قىسقا بولعان.
بۇل – 90 ميلليوننان استام جىل بۇرىن پاتاگونييادا ٶمٸر سٷرگەن جىرتقىش كارحارودونتوزاۆر. الدىڭعى اياقتارىنىڭ قىسقالىعى ونى تيراننوزاۆر رەكس تٷرٸنە ۇقساتاتىن.
ساراپشىلار دينوزاۆرلاردىڭ بۇل قاسيەتٸ ولاردىڭ توپتاسىپ تاماقتانۋ كەزٸندە باسقا دينوزاۆرلاردىڭ تٸستەۋٸنەن قورعاعان دەپ پايىمداپ وتىر.
«ولار – بۇرىن-سوڭدى تٸرشٸلٸك ەتكەن ەڭ ٷلكەن جىرتقىش دينوزاۆرلاردىڭ بٸرٸ. بٸراق بۇعان دەيٸن باس سٷيەكتەرٸ بٷتٸن تٷرٸندە تابىلماپتى. كٶپتەگەن ٶلشەمدەر تەك بولجام بولعان. ەندٸ مەراكس انىقتالعان كەزدە, بٸز باس سٷيەك پەن تاباننىڭ ناقتى ٶلشەمٸنە جاقىندادىق. بۇل وسى تٷردٸڭ ەۆوليۋتسيياسىن تٷسٸنۋ ٷشٸن قاجەت», - دەيدٸ پالەونتولوگ سەباستيان اپەستەگۋييا.
ارگەنتينادا تابىلعان دينوزاۆردىڭ جاسى 39 بەن 53 اراسىندا بولعان.
بۇل – جەر بەتٸندە تابىلعان ەڭ كٶنە ٷلگٸلەردٸڭ بٸرٸ. مەراكسەس تيراننوزاۆر رەكس پايدا بولعانعا دەيٸن شامامەن 20 ميلليون جىل بۇرىن جويىلعان.
