Argentina Densaýlyq saqtaý ministrligi el aýmaǵynda COVID-19 virýsyn juqtyrýdyń alǵashqy jaǵdaiy tirkelgenin málim etti. Virýs jeksenbi kúni Milannan Alitalia áýe kompaniiasynyń tikelei reisimen ushyp kelgen 40 jastaǵy er adamnan tabyldy, dep habarlaidy "Ult aqparat" Buenos Aires Times-qa silteme jasap.
Er adam Ispaniia men Vengriiada bolǵan. Elge kelgende odan eshqandai aýrý belgileri baiqalmaǵan.
Jeksenbi kúni keshke er adamnyń dene qyzýy kóterilip, syrqat belgi bere bastaǵan. Ol Býenos-Airestaǵy Swiss Clinic and Maternity Hospital jeke klinikasyna karantinge ornalastyryldy. Malbran meditsinalyq zertteýler zerthanasy jelisiniń filialy onyń koronavirýs juqtyrǵanyn rastady.
Úkimetke ushaqta onyń janynda otyrǵan jolaýshylar týraly eskertildi. Jergilikti organdardyń málimetinshe, olar tekserýden ótedi.
Densaýlyq saqtaý ministrliginiń qyzmetkeri Karla Vizzoti dúisenbi kúni COVID-19 virýsyn erte anyqtaý óte mańyzdy ekenin atap ótti. Álem boiynsha koronavirýsqa 89 myń adam shaldyǵyp, 3 myń adam kóz jumdy.
Aýrý juqtyrý jaǵdailary Ońtústik jáne Soltústik Amerikanyń basqa da elderinde rastaldy: AQSh (89 oqiǵa), Kanada (24), Ekvador (6), Meksika (5), Braziliia (2) jáne Dominikan Respýblikasy (1).
