Alaida Ardaq Nazarov videodaǵy er adam 40-ta ekenin aitady.
"Meniń jolymdy bersin, úsh álem chempiony bolsyn! Kelin, shyraǵym estidiń be, jiberip turshy, ainalaiyn, myna balany. Syrym jetekteshi, seniń jolyńdy berip, álem chempiony bolsyn.
Seniń tusaýyńdy keskenim bir jylqy turady, ońai emes. Ardaq Nazarov 40 jastaǵy jigittiń tusaýyn eshqashan kesken joq. Aldy ózińsiń", - deidi Ardaq Nazarov videoda.
Jeli qoldanýshylary bul yrym ekenin aityp, ózderiniń túrli oqiǵalaryn jazǵan:
Tusaýy durys kesilmese, negizi buny jasaýǵa bolady. Bizdiń bir jeńgemiz ómiri shalynatyn da júretin edi. Jasy kelgen adam. Tusaýy durys kesilmegen dep kesip berip, attai shaýyp ketken. Sodan keiin shalynbadym dep aitqan kúlip. Sol úshin bári bolady.
Nesi bar eken meniń de tusaýymdy 20 jasymda kesken, kishkentaiynda kespese, úlkeigende kesse de bolady, eshten kesh jaqsy!
Onda turgan eshteńe joq. Men kúieýimdikin eki jyl buryn kestirgen edim. Joly ashyq bolsyn, tusaýlanbasyn dep.
Iá, bolady, árine, men ózim stýdent kezimde kop jyǵylatyn edim. Sóitip júrip qolymdy ońdyrmai sozyp alyp, sodan kestirgem tusaýymdy, shúkir Allaǵa jaqsy qazir.
Eshqandai da ótirik emes, qazaq eshýaqytta ásheiin istemegen. Óz basymnan ótken jaǵdai, men de osylai kesh kestirip baryp, jolym ashylǵan.
Ákemdikin 40-tan asqanda kesken bizdiń kózimizshe. Kishkentaiynda kesilmei qalypty, sosyn inimmen birge kesip jiberdi.
Sonymen qatar, tusaýy kesilgen adam kim ekenin jazǵandar da bar.
"Bul aǵamyz da ózi MMA-ǵa qatysyp, týymyzdy jelbiretip júrgen sportshy aǵamyz. Ardaq Nazarovtyń shákirti. Sol úshin ustazynyń jolyn bersin dep, yrymdap kestirip jatyr", - degen pikir bildirgenderdiń biri.
