Coltústik Qazaqstan oblysynda jyl basynan beri et óndirisi 4,1% artty. Bul týraly SQO ákimi Qumar Aqsaqalov aityp berdi, dep habarlaidy QazAqparat.
«Biyl qazaqtyń aqbas tuqymdy siyryna arnalǵan (1000 mal) ferma iske qosylady. 13 myń malǵa arnalǵan eki bordaqylaý alańynyń qurylysy jalǵasýda. Onyń ashylýy kelesi jylǵa josparlanǵan. Byltyr biz et kombinaty men «EMC Agro» JShS iri shoshqa keshenin iske qosý týraly aitqan edik. Turaqty jumys kásiporynǵa shoshqa keshenin 50-den 100 myń malǵa deiin keńeitýge múmkindik berdi», - dedi óńir ákimi Ortalyq kommýnikatsiialar qyzmetinde ótken brifingte.
Sondai-aq, óńirde genetikalyq ortalyq ashý josparlanǵan. Munyń bári jyl basynan beri et óndirisiniń 4,1% ósýine negiz bolǵan.
«Ósim tek sút pen et óndirisinde baiqalmaidy. Búginde oblystyń 80-nen astam qaita óńdeý kásiporny 330 túrli et, sút jáne makaron ónimderin shyǵarady. Sonymen birge, kartop óndirisi bizdiń qajettilikterimizden 11 ese, jumyrtqa - 10 ese, makaron - 9,3 ese, jylqy eti, siyr eti, qyryqqabat jáne sábiz - 3 ese asady. Biz árbir úshinshi qazaqstandyqty soltústikqazaqstandyq ónimmen qamtamasyz ete alamyz», - deidi Qumar Aqsaqalov.
