Foto: Akorda.kz
Prezident Astanadaǵy ústel tennisi ortalyǵyna bardy, dep habarlaidy "Ult aqparat" Aqordanyń baspasóz qyzmetine silteme jasap.
Elorda nysandaryn aralaý barysynda Qasym-Jomart Toqaev ADD Table Tennis Center Astana ústel tennisi ortalyǵynyń jumysymen tanysty.
Memleket basshysyna atalǵan ortalyqtyń Halyqaralyq ústel tennisi federatsiiasynyń (ITTF) talaptaryna tolyq sai keletini jóninde málimet berildi. Sport nysanynda respýblikalyq jáne halyqaralyq týrnirler ótkizýge, sondai-aq elimizdiń ulttyq quramasynyń oqý-jattyǵý jiyndaryn uiymdastyrýǵa bolady.
Jalpy aýdany 3700 sharshy metrdi quraityn ortalyq jarys kezinde 16, al jattyǵý kezinde 26 tennis ústelin qoiýǵa eseptelgen. Sonymen qatar munda 416 adamǵa arnalǵan kórermender tribýnasy, jattyǵý zaly, meditsina kabineti, bapkerler men tóreshiler bólmesi bar.
– Árbir oblys ortalyǵynda ústel tennisine arnalǵan zaldar bolýy kerek. Halyq sportpen shuǵyldanýy qajet, – dedi Prezident.
