«Araltuz» kompaniiasy óndiretin «Slavianochka» tuzynyń quramynda shyny bar degen aqparat jalǵan. Bul jaiynda atalǵan kompaniianyń resmi saitynda jariia etilgen aqparatta aitylǵan dep habarlaidy "Ult aqparat".
Kompaniia málimetinshe, sońǵy ýaqytta internet jelisinde «Araltuz» óndiretin ónimderge qatysty negizsiz shabýyldar kóbeiip ketti. Buǵan qatysty aqparattardyń barlyǵy jalǵan. Odan keiin aqparattyq maidan reseilik internet-keńistikte órship, «Araltuz» óndiretin «Slavianochka» tuzynyń quramyna shyny bar degen aýdio jáne video jan-jaqty taraǵan.
«Araltuz» AQ sońǵy ýaqytta áleýmettik jelide taraǵan aqparattyń shyndyqqa janaspaityndyǵyn resmi málimdeidi. «Slavianochka» tuzynyń quramynda adam aǵzasyna múldem ziiany joq epsomit pen astrahanit syndy tabiǵi mineraldardan turatyn erimeitin tunba bar. Qaita óńdeýge keletin shikizat ekologiialyq turǵyda taza. «Araltuz» AQ-nyń barlyq ónimderi EAEO aýmaǵyndaǵy táýelsiz akkreditellen zerthanalarda tekserilip, sáikestik deklaratsiiasyn alady. Biz «Araltuz» AQ-nyń as tuzy ekologiialyq taza ári álemdik standarttarǵa sai ekendigin nyq senimmen aita alamyz», - dep atap ótedi kompaniiadan.
Osy oraida, Nur-Sultan qalalyq taýarlar men qyzmetterdiń sapasy men qaýipsizdigin baqylaý departamentiniń basshysy Sádaqas Baiǵabylov Reseidegi Qazaqstan tuzyna qatysty jariialanymdarǵa pikir bildirdi. Sonymen qatar, ol «Araltuz» ónimderine zerthanalyq zertteýler júrgiziletindigin eskertti.
