Aral aýdanyndaǵy 2 apatty úidegi 27 otbasy úshin jekemenshik úiler salyndy.
Esterińizge salaiyq, biylǵy jyldyń 17 naýryzynda Aral aýdanyndaǵy T. Jarokov kóshesinde ornalasqan eki qabatty ǵimaratta tótenshe jaǵdai oryn alǵan bolatyn. Kelesi kúni Qyzylorda oblysynyń ákimi Qyrymbek Kósherbaev aýdanǵa arnaiy baryp, turǵyndarmen kezdesip, jaqyn arada 19 páterdiń ornyna kóp páterli úi emes, jekemenshik jańa úiler salynatynyn aitqan edi.
Sondai-aq, Aral qalasynda Araltuz kóshesindegi 8 páterli eki qabatty turǵyn úi de apatty jaǵdaida bolatyn. Joǵaryda atalǵan 27 otbasymen birge bul turǵyn úidiń ielerine de jańa baspana beriledi. Osylaisha, Aral aýdanyndaǵy apatty úiler máselesi tolyq sheshimin tapty.
Búgin oblys ákiminiń orynbasary Rýslan Rústemov turǵyndarǵa jańa úidiń kiltterin tabystap, qonys toilarymen quttyqtady.
«Elbasy N.Á.Nazarbaev óz sózinde memlekettik saiasattyń basty maqsattarynyń biri árbir qazaqstandyq otbasyny jeke pátermen nemese jeke menshik úimen qamtamasyz etý ekendigin atap ótken bolatyn. Aimaq basshysynyń jedel áreketiniń nátijesinde oblystyq biýdjetten 310 mln. teńge qarjy bólinip, 27 turǵyn úidiń qurylysy júrgizilip, búgin turǵyndarǵa paidalanýǵa berilgeli tur», - dedi Rýslan Rústemov.
Jańa qonysqa ie bolǵan turǵyndardy Aral aýdanynyń qurmetti azamaty Biǵali Qaiýpov ta quttyqtady. Jańa úidiń kiltin alǵan Orazkúl Lashynova aimaq basshylyǵyna tez arada máseleni sheship bergeni úshin alǵys bildirip, jańa úi ieliriniń qýanyshyn jetkizdi.
«Biz eski úiimizde 20 jyldan astam ómir súrdik. Úiimiz qulaǵan kezde, aldymen qiyn boldy. Bizge barlyq jaǵynan kómektesken qamqor jandarǵa raqmet. Qiyn sátte qoldaý kórsetken aýdan jáne oblys basshylyǵyna erekshe alǵysymyzdy aitamyz»,-dedi Orazkúl Lashynova.
Apatty úidiń turǵyndary úshin Kishi Aral kóshesinde 27 jańa úi paidalanýǵa berilip otyr. Jańa úilerdiń mańynda Á.Nurpeiisovtiń shyǵarmashylyq úii, Memlekettik rámizder alleiasy, balalarǵa arnalǵan oiyn jáne sport alańdary ornalasqan. Ár úidiń aýmaǵy 60shm jáne bul baspanalardyń turmystyq qajettilikterine arnalǵan qosalqy ýchaskeleri bar. Barlyǵyna jaryq júrgizilip, sý tartylǵan. Sondai-aq, merdiger kompaniia óz qarjysy esebinen tabiǵi gaz júrgizip, kógildir otynmen jylytatyn pesh ornatyp, «Otaý TV» jerseriktik televiziiasyna qosyp berdi.
Sonymen qatar, jumys sapary barysynda oblys ákiminiń orynbasary Rýslan Rústemov jańa úilerdiń janyndaǵy balalarǵa arnalǵan oiyn jáne sport alańdarynyń ashylý saltanatyna qatysty.
