Inkliýzivti bilim alatyn balalarǵa erekshe jaǵdai qarastyrylǵan. Bul týraly Ortalyq kommýnikatsiialar qyzmetinde ótken brifingide aityldy, dep habarlaidy QazAqparat.
«Jalpy, barlyq mektepte inkliýzivti bilim berýge jaǵdai jasalyp keledi. Sondai-aq, inkliýzivti bilim beretin arnaiy mekemeleri bar. Ol jerde densaýlyǵynda kemistigi bar, arnaiy bilimdi qajet etetin balalar bilim alady. Olarǵa ár jaǵdaiǵa qatysty erekshe múmkindik qarastyrylǵan. Bul týraly barlyq normativtik qujattarda belgilengen. Aralas oqý rejimine kóshken kezde osyndai balalardyń da jaǵdaiy eskeriletin bolady. Estýi nashar nemese múlde estimeitin, sóileýi nashar nemese múlde sóilemeitin, psihikalyq damýy tejelýi bar jáne basqa da birneshe túri bar», - deidi Bilim jáne ǵylym vitse-ministri Sholpan Karinova.
Onyń aitýynsha, ár jaǵdaida balanyń ereksheligi eskerilip, tiisti sheshim shyǵarylady. Bilim berý mekemelerinde olarǵa qalai bilim berilýi kerektigi sheshilip, uiymdastyrylyp jatyr.
