Foto: "Habar"
Aral teńiziniń túbinen sý tabyldy, - dep habarlaidy "Ult aqparat" "Habar" telearnasyna silteme jasap.
Teńizdiń astynda tushy sý bolady eken. Ony Sátbaev ýniversitetiniń gidrolog ǵalymdary aityp qana qoimai, taýyp, dáleldep berip otyr.
Uńǵylaý jumystary 500 metr tereńdikte júrgizilgen. Nátijesinde teńizdiń qurǵap ketken bóliginde jer asty sýy tabyldy. Tirshilik kózi alqapty sýǵarýǵa jaramdy bolyp shyqty.
Bul joba ásirese, Araldyń ońtústik jaǵynyń ekologiiasyn qalpyna keltirýge tiimdi. Atap aitqanda, sekseýil alqabyn kóbeitip, kógaldandyrýǵa septigin tigizedi. Sondai-aq ol jerden ań-janýardyń bári sý ishe alady. Qumnyń arasynda paida bolatyn oazis aimaqtyń klimatyna oń áser etpek. Sóitip ekojúieni retteidi.
Ǵalymdardyń aitýynsha, bul - aýyl sharýashylyq maqsatynda ekojúieni qalpyna keltirýge arnalǵan alǵashqy joba. Iske asyp jatsa, oń ózgeris ákeledi. Týrizmniń damýyna úles qosady.
"500 metr tereńdikte burǵylanǵan uńǵymadan sekýndyna 8 litrden jer asty sýy ózdigien shyǵatyndai sýy tabyldy. Sýdyń mineraldyǵy, bylaisha aitqanda tuzdylyǵy 3,5 gramm bir litrge mólsherinde. Nátijesinde solardy qoldaný arqyly Araldyń qurǵap qalǵan qum bolyp, jańaǵy jan-jaqqa ushyp jatqan qumdarynda ashyq jatqan jerde ósimdikter ósirýge bolady", - deidi gidrogeolog ǵalym Dýlat Qalitov.
