Aral teńizi basseiini elderine kómek kórsetetin is-qimyl baǵdarlamasy bekitildi, dep habarlaidy "Ult aqparat" Ekologiia ministrligine silteme jasap.
Qazaqstan Respýblikasynyń delegatsiiasy QR Premer-Ministriniń orynbasary R.Skliardyń basshylyǵymen Halyqaralyq Araldy qutqarý qorynyń (HAQQ) Basqarý otyrysyna qatysý úshin Dýshanbe qalasyna bardy. Delegatsiia quramyna Ekologiia, geologiia jáne tabiǵi resýrstar ministri M.Myrzaǵaliev, QR Tájikstan Respýblikasyndaǵy Elshisi A.Tájibaev jáne QR Syrtqy ister ministriniń orynbasary M. Syzdyqov jáne t.b. kirdi.
Qazaqstandyq tarapy HAQQ Oryndaýshy komitetine HAQQ Memleketteri basshylarynyń sheshimderine túgendeý júrgizýdi usyndy. Sonymen qatar, Elbasy N.Á. Nazarbaevtyń 2018 jyly Túrikmenbashi q. HAQQ memleketteri-quryltaishylar samitinde aitylǵan HAQQ uiymdastyrýshylyq qurylymdy jáne kelisim-sharttyq bazasyn jetildirý, Ortalyq Aziianyń halyqaralyq sý-energetikalyq kontsortsiýmyn qurý, sondai-aq HAQQ Oryndaýshy komitetiniń aimaq elderiniń birinde turaqty ornalastyrý jónindegi usynystardy iske asyrý qajettiligin atap ótti.
Aral teńiziniń basseindegi sý resýrstaryn jáne ekologiialyq jaǵdaidy jaqsartý qajettiligi aiasynda, qazaqstandyq tarapymen aimaqtyq uiymdardyń rólin kúsheitýdiń, onyń ishinde «Syrdariia» jáne «Amýdariia» sý sharýashylyq basseindik birlestikterdiń mańyzdylyǵy ataldy.
Otyrys nátijesinde Tájikstan tóraǵalyq etýiniń merzimine HAQQ Oryndaýshy komitetiniń jumys jospary qabyldandy, sonymen qatar, «Aral teńiziniń basseini elderine kómek kórsetý jónindegi is-qimyl baǵdarlamasy» (ATBB-4) bekitildi.
ATBB aimaqtyq baǵdarlama, onyń negizgi maqsattary Aral teńizi basseininde turatyn adamdardyń turmystyq jaǵdaiyn jaqsartý, Ortalyq Aziia elderi arasyndaǵy sý sharýashylyq, ekologiialyq jáne áleýmettik-ekonomikalyq jaǵdaidy jaqsartý jáne sý resýrstaryn utymdy paidalaný yntymaqtastyǵyn odan ári keńeitý bolyp tabylady.
