Qazaqstannyń Saýd Arabiiasyndaǵy elshisi Berik Aryn Saýdtyq aýyl jáne mal sharýashylyǵy salasyndaǵy investitsiialyq kompaniianyń (SALIC) basshysy Mettiý Djensenmen kezdesti, dep habarlaidy "Ult aqparat" Syrtqy ister ministrligine silteme jasap.
Kezdesý barysynda Qazaqstan men SALIC arasynda yntymaqtastyq ornatý, elimizdiń aýyl sharýashylyǵy salasyna saýd investitsiialaryn tartý máselesi talqylandy.
Osy rette Elshi Qazaqstannyń aýyl sharýashylyǵy men agro-ónerkásip kesheni týraly keńinen áńgimelep, bul salalardy damytý baǵytynda Úkimet tarapynan qabyldanyp jatqan sharalar týraly aqparattandyrdy. Sonymen qatar ol elimizde sheteldik investorlarǵa beriletin jeńildikter, olardyń quqyqtary men investitsiialaryn qorǵaityn zańnama men tetikter jóninde aita otyryp, kompaniia basshylyǵynyń nazaryna aýyl sharýashylyǵy salasyndaǵy birqatar investitsiialyq jobalardy usyndy.
Buǵan qosa Qazaqstannyń Tuńǵysh Prezidenti Nursultan Nazarbaevtyń bastamasymen qurylǵan Azyq-túlik qaýipsizdigi jónindegi islam uiymy (AQIU) men Astana halyqaralyq qarjy ortalyqtarynyń qyzmetimen tanystyrdy.
SALIC basshysy M.Djensen elimizdiń aýyl sharýashylyǵy, agro-ónerkásip salasyndaǵy investitsiialyq múmkindikter týraly aqparatty úlken qyzyǵýshylyqpen qabyl alyp, Qazaqstanmen ózara tiimdi yntymaqtastyq ornatýǵa múddelilik tanytty.
Kezdesý qorytyndysy boiynsha kompaniia delegatsiiasynyń elimizge saparyn uiymdastyrý týraly ýaǵdalastyqqa qol jetkizildi.
SALIC Koroldiktiń azyq-túlik qaýipsizdigin qamtamasyz etý maqsatynda qurylǵan, quryltaishysy SAK Memlekettik investitsiialyq qory bolyp tabylady. Kompaniia aýyl sharýashylyq ónimderin ósirýge jáne mal sharýashylyǵyn júrgizýge qolaily shet elderge investitsiialar salýmen ainalysady. Alǵan ónimderin Saýd Arabiiasyna importtaidy. Búgingi tańda SALIC Kanada, Avstraliia, Ýkraina, Eýropa jáne basqa elderde iri investitsiialyq jobalardy júzege asyrýda.
