Nur-Sultan qalasynyń bas memlekettik sanitar dárigeri Sarqyt Beisenova Naýryz aiyndaǵy merekelerge bailanysty elorda jurtyna úndeý joldady, dep habarlaidy QazAqparat.
«Tájiribe kórsetkendei, ár merekeden keiin qaladaǵy epidemiologiialyq jaǵdai órshi túsedi. Oǵan sebep demalys kezinde karantin talaptarynyń saqtalmaýy. Sondyqtan sizderdi mereke kúnderi qarsańynda qarapaiym qaýipsizdik sharalaryn umytpaýǵa shaqyramyn. Naýryz aiyndaǵy merekeler epidemiologiialyq jaǵdaidyń nasharlaýyna jáne koronavirýstyq infektsiiamen syrqattanýshylyqtyń ósýine alyp kelmeýi tiis», - Beisenova elorda ákimdiginde onlain ótken baspasóz máslihatynda.
Onyń aitýynsha, elordadaǵy epidjaǵdaidyń jaqsara nemese kerisinshe nasharlai túsýine ár turǵynnyń úlesi bar.
«Bul degenimiz biz ben sizderdiń aldyn alý sharalaryn saqtaýdaǵy jaýapkershiligimizge tikelei bailanysty. Vaktsinatsiia almai, áli de oilanyp júrgen adamdarǵa aitarym, ózińizdiń jáne ózgeniń densaýlyǵy sizdiń tańdaýyńyzǵa bailanysty bolady. Durys tańdaý jasańyz», - deidi ol.
