Eńbek jáne halyqty áleýmettik qorǵaý ministri Berdibek Saparbaev ataýly áleýmettik kómekti alaiaqtyq jolmen alǵandardyń jazalanatynyn málimdedi, dep habarlaidy Sputnik Kazakhstan tilshisi.
"Naqty shara qabyldanady. Joldary da bar. Biz qazir olardy prokýratýra organdaryna berip jatyrmyz. Solar tekseredi. Eger alaiaqtyq anyqtalsa, onda qylmystyq jazaǵa tartylady", – dedi Saparbaev.
Ministrdiń aitýynsha, ataýly áleýmettik kómekti taǵaiyndaǵanda deldaldar járdemaqyny alyp berýge kómektesedi. Aldymen osy adamdar jazaǵa tartylady.
"Mysaly, jumyspen qamtý ortalyǵy men kópbalaly ananyń arasynda deldal bolyp, sonyń aqshasyn alyp berip, kishkene aqshasyn ózi alsa, eń birinshi solar jazalanady. Sosyn kópbalaly otbasylar óz tabysyn durys kórsetpese, jaýapqa tartylady. Qazir biz ol jumysty keibir óńirlerde júrgizip jatyrmyz. Bitkennen keiin prokýratýra organdaryna tapsyramyz", - dep atap kórsetti Saparbaev.
