Aqtóbe oblysynda 19 jastaǵy jigittiń máiiti tabyldy. Qaiǵyly oqiǵa boiynsha qylmystyq is qozǵaldy. Aldyn ala málimetterge sáikes, marqumnyń ólimine naizaǵai soǵýy sebep bolǵan, dep habarlaidy ult.kz.
Aqtóbe oblystyq politsiia departamentiniń habarlaýynsha, qazir oqiǵanyń barlyq mán-jaiyn anyqtaýǵa baǵyttalǵan tergeý amaldary júrgizilip jatyr.
— 19 jastaǵy jigittiń máiitiniń tabylý faktisi boiynsha qylmystyq is qozǵaldy. Aldyn ala derekter boiynsha, ólim atmosferalyq elektr togynyń áserinen (naizaǵai soǵý saldarynan) bolǵan, — delingen politsiia habarlamasynda.
Aita keteiik, buǵan deiin Almatyda turǵyn úi aýlasynda balaǵa toq soqqan oqiǵa tirkelgen edi.
