Aptap ystyqqa bailanysty Aqtóbe oblysynda jylandardyń belsendiligi artqan. Sońǵy bir aida óńirde jylan shaǵýdyń tórt jaǵdaiy tirkeldi. Zardap shekkenderdiń barlyǵy – balalar, dep habarlaidy ult.kz.
Aqtóbe oblysynyń Tótenshe jaǵdailar departamentiniń málimetinshe, onyń ekeýi Aqtóbe qalasynda, taǵy ekeýi Hromtaý aýdanynda bolǵan.
Abyroi bolǵanda, jylan shaqqan balalardyń eshqaisysynyń ómirine qaýip tónbegen. Qazir olardyń densaýlyǵyna qatysty qaýip joq.
Qutqarýshylar ata-analardy balalarǵa jylandardan saq bolý qajettigin túsindirýge shaqyrdy.
Mamandardyń aitýynsha, balalar biik shópke, tastardyń arasyna, aǵash túbine, qurylys materialdarynyń mańyna jáne jylandar jasyrynýy múmkin basqa da jerlerge jaqyndamaýy kerek.
Sondai-aq sý aidyndarynyń mańynda abai bolǵan jón. Jylandy baiqap qalǵan jaǵdaida oǵan jaqyndamai, ustap kórýge nemese qýýǵa bolmaidy.
