Aqtaýda stýdentterdiń oqý úlgerimin jaqsartyp, emtihandardan joǵary baǵa alyp berýge ýáde etken alaiaq sottaldy, dep habarlaidy ult.kz.
2026 jylǵy 24 maýsymda Aqtaý qalalyq sotynyń úkimimen azamat D. QR Qylmystyq kodeksiniń 190-baby boiynsha alaiaqtyq jasaǵany úshin kináli dep tanylyp, 3 jyl 9 aiǵa bas bostandyǵynan aiyryldy.
Sotta anyqtalǵandai, ol Aqtaýdaǵy joǵary oqý oryndarynyń stýdentterine aqshalai syiaqy úshin oqý úlgerimin jaqsartyp, emtihandardan joǵary baǵa alýǵa kómektesýge ýáde bergen.
Osy syltaýmen stýdentterden 90 myńnan 1 million teńgege deiin aqsha alǵan. Alaida ýádesin oryndamai, qarajatty jeke qajetine jumsaǵan.
Osyǵan bailanysty Aqtaý qalasynyń prokýratýrasy jańa oqý jyly qarsańynda azamattardy oqý protsesine zańsyz aralasýdy usynatyn adamdardan saq bolýǵa shaqyrdy.
Prokýratýranyń málimetinshe, aqshaǵa baǵa qoiyp berý, emtihannan ótkizý nemese oqý máselelerin sheship berý týraly usynystar zańsyz ári alaiaqtyq belgilerin qamtýy múmkin.
