Kórkem gimnastikadan jasóspirimder arasynda álem chempiony, eresekter arasyndaǵy álem chempionatynda óziniń jaqsy qyrynan kórsete bilgen Aqmaral Erekesheva Grand Prix BRNO jarysynyń kópsaiysynda úzdik úshtikke endi, dep habarlaidy ult.kz.
Týrizm jáne sport ministrligi Sportty damytý direktsiiasynyń baspasóz qyzmetiniń habarlaiynsha, otandasymyz óz mansabyndaǵy jeke rekordyn jańartyp, 116.500 (Frankfýrttaǵy álem chempionatynda 115.800 upai) upai jinady.
1 oryn Taisiia Onofriichýk (Ýkraina) - 117.900 upai
2 oryn Aqmaral Erekesheva (Qazaqstan) - 116.500 upai
3 oryn Liliana Levinska (Polsha) - 108.250 upai
Atalmysh doda 13 qyrkúiekke deiin jalǵasady. Endi sportshymyz tórt baǵdarlama boiynsha jekelei saiystyń finalynda óner kórsetip, júldege talasady.
Aita keteiik, Aqmaral Erekesheva Japoniianyń Aichi prefektýrasy men Nagoia qalasynda ótetin HH jazǵy Aziia oiyndarynda Qazaqstan quramasy sapynda baq synaidy.
Aichi-Nagoiadaǵy kórkem gimnastikanyń básekesi 1-3 qazanǵa josparlanǵan.
