Qazgidromet 14 shildege arnalǵan aýa raiy boljamyn jariialady, dep habarlaidy "Ult aqparat".
Ońtústik Kaspii tsiklony búgin de respýblikanyń kóp bóligine óz áserin tigizedi, sondyqtan qubylmaly aýa raiy saqtalady, jańbyr jaýyp, naizaǵai oinaidy. Eldiń soltústiginde, soltústik-shyǵysynda jáne shyǵysynda nóser jańbyr jaýady. Tek ońtústik-batys pen batysta kún ashyq. Respýblikanyń kei jerlerde daýyl, burshaq, jeldiń kúsheiýi, ońtústik pen ońtústik-batysynda shańdy daýyl, soltústikte tuman kútiledi.
Soltústik Qazaqstan oblysynyń kei jerlerinde daýyl turyp, burshaq jaýady, jeldiń jyldamdyǵy 15-20, ekpini 23-28 m/s.
Shyǵys Qazaqstan oblysynyń kei jerlerinde daýyl bolyp, jel 15-20, kúndiz ekpini 23-28 m/s deiin kúsheiedi, kúndiz burshaq túsedi.
Aqmola, Almaty oblystarynyń kei jerlerinde jeldiń jyldamdyǵy 15-20, ekpini 25 m/s jetedi. Aqmola oblysynyń kei jerlerinde burshaq, tuman kútiledi. Jambyl, Qostanai, Pavlodar, Qaraǵandy oblystarynyń kei jerlerinde jel 15-20 m/s kúsheiedi. Jambyl, Pavlodar oblystarynyń kei jerlerinde burshaq jaýady.
Túrkistan, kúndiz Qyzylorda, Batys Qazaqstan oblystarynyń kei jerlerinde jeldiń 15-20 m/s jetedi, Qyzylorda, Túrkistan oblystarynyń kei jerlerinde shańdy daýyl turýy yqtimal.
Qyzylorda, Túrkistan, Mańǵystaý, Atyraý, Jambyl oblystarynyń basym bóliginde, Almaty, Aqtóbe, Batys Qazaqstan oblystarynyń kei jerlerinde, Qostanai, Qaraǵandy oblystarynyń ońtústiginde órt qaýpi saqtalady.
