Foto:gov.kz
Premer-ministr Álihan Smaiylov úkimetke órttiń aldyn alý jumystaryn kúsheitýdi tapsyrdy, - dep habarlaidy Tengrinews.kz tilshisi.
"Jyl saiyn tabiǵi órtterdiń kesirinen kóptegen adamdar qaza taýyp, múlik pen tabiǵatqa orasan zor shyǵyn keledi. Qazgidromet boljamy boiynsha biylǵy jaz jyldaǵydan ystyq bolady dep kútilip otyr. Óńirlerde qazirdiń ózinde kún ysyp, tabiǵi órt sany artyp otyr. Bul másele Tótenshe jaǵdailar ministrligi men jaýapty memlekettik organdardyń jáne ákimdikterdiń jiti nazarynda bolýy tiis", - dedi Smaiylov.
Ol óńir ákimdikteri órt beketteri men erikti órtke qarsy qurylymdardy uiymdastyrý jumysyn jalǵastyrýdy tapsyrdy.
"Tótenshe jaǵdailar ministrligimen birge balalardy saýyqtyrý lagerleri, sanatoriiler men demalys aimaqtarynda órtke qarsy qaýipsizdikti qamtamasyz etý máselesin baqylaýǵa alsyn.
Ekologiia ministrligi óńir ákimdikterimen birge orman jáne tabiǵatty qorǵaý mekemelerin órtke qarsy tehnikalyq jaraqtandyrý deńgeiin arttyrý sharalaryn qabyldasyn. Kúshter men quraldardyń tabiǵi órtte shuǵyl áreket etýge daiyndyǵyn qamtamasyz etsin. Sondai-aq iri órtterdi sóndirýge aviatsiiany tartýdy qarastyrsyn", - dedi Smaiylov.
