Apple dástúrli túrde qyrkúiektiń basynda jańa kúzgi toptamasyn usyndy. iPhones.ru portalynyń sarapshylary kompaniianyń jańa ónimderiniń artyqshylyqtary týraly tolyǵyraq aityp berdi, dep habarlaidy ulysmedia.kz portaly.
Alǵashqy usynylǵan jańalyq - bul jańartylǵan saǵat. Saǵattyń tarihy paidalanýshylardyń alǵys aitýynan bastaldy. Ártúrli elden kelgen adamdar Apple Watch-tyń qiyn jaǵdaida qalai kómekteskeni jáne tipti ómirdi saqtap qalǵany týraly áńgimeler aitty.
Jańa saǵattyń basty jańalyǵy dene temperatýrasynyń sensory boldy. Ol paidalanýshy týraly maksimaldy statistikany jinaý úshin berilgen jiilikpen ólshemderdi alýǵa múmkindik beredi. Termometr 5 sekýnd saiyn bir ret maksimaldy jiilikte jumys istei alady.
Saǵat jinaǵan barlyq derek tek qurylǵyńyzda saqtalady jáne úshinshi taraptarǵa qoljetimdi bolmaidy. Menstrýaldyq tsikldy qadaǵalaýǵa erekshe kóńil bólindi. Mundai aqparatty Health qoldanbasy uzaq ýaqyt boiy jinap keledi, endi bul derekterge taǵy da kóptegen statistika qosylady.
Apple Watch 8-degi eki jańa sensor jol-kólik oqiǵalary men jazataiym oqiǵalardy dál tirkeidi. Gadjet tipti oqiǵanyń túrin anyqtap, iPhone arqyly qoldanýshynyń týystaryna habarlai alady.
Kópshilik kútkendei, anaǵurlym qoljetimdi 14/14 Plus úlgileri de usynyldy. Kishi iPhone 14 iPhone 13 ólshemimen birdei jáne 6,1 diýimdik displeige ie. Al iPhone 14 Plus 6,7 diýimdik displeige ie. Ótken jylǵy Apple A15 protsessory qurylǵy ónimdiligine jaýapty bolady. Degenmen, elementterdiń jańa ornalasýynyń arqasynda jaqsartylǵan ónimdilik ýáde etilgen.
Negizgi kamera modýli jaqsartyldy. Ol sensorǵa 49% kóbirek jaryq túsire alady. Beine túsirý úshin jańa turaqtandyrý rejimi, Áreket rejimi qosyldy. Aldyńǵy 12 megapikseldi kamera shaǵyn jańartý men jaqsartylǵan fokýstaý júiesin aldy.
AQSh-ta iPhone 14 modeli fizikalyq SIM karta uiasynsyz satylady.
