Aziiadaǵy ózara is-qimyl jáne senim sharalary Syrtqy ister ministrleriniń kezdesýinde AÓISShK-niń 6-sammitin 2022 jyly Qazaqstanda ótkizý týraly sheshim qabyldandy, dep habarlaidy QazAqparat.
Sonymen qatar kezdesý qorytyndysynda birqatar qujat qabyldandy. Atap aitqanda, AÓISShK tóraǵalyǵynyń málimdemesi bekitildi. Qujatta Aziiadaǵy qaýipsizdik pen beibitshilikti qamtamasyz etý, jańa syn-qaterler men qaýipterge qarsy turý, onyń ishinde epidemiologiialyq qaýipsizdik, qorshaǵan ortany qorǵaý jáne klimattyń ózgerýine beiimdelý, turaqty ekonomikalyq damý, tsifrlyq ekonomikany ilgeriletý, kólik jáne logistika, mádeni dialog jáne taǵy basqa salalardaǵy ózara bailanysty qamtamasyz etý úshin AÓISShK elderiniń yntymaqtastyǵyn nyǵaitýdyń mańyzdylyǵy atap ótilgen. Aýǵanstandaǵy jaǵdaiǵa da erekshe nazar aýdarylǵan.
Munan bólek, AÓISShK taldaý ortalyqtarynyń forýmyn turaqty jumys isteitin alańǵa ainaldyrý quptaldy. AÓISShK senim sharalarynyń jańartylǵan katalogy da bekitildi. Zamanaýi jaǵdaiǵa beiimdelgen katalogqa yntymaqtastyqtyń epidemiologiialyq qaýipsizdik, qoǵamdyq densaýlyq saqtaý jáne farmatsevtika, aqparattyq jáne kommýnikatsiialyq tehnologiialar, terrorizmge qarsy kúres siiaqty jańa basym salalary kirgizilgen.
Kezdesýde AÓISShK Ǵulamalar keńesi týraly ereje de bekitildi. Ǵulamalar keńesi beibitshilik pen qaýipsizdikti nyǵaitý, senim sharalaryn iske asyrý máselelerin, AÓISShK aias yndaǵy jumystyń odan arǵy baǵyttary men basymdyqtaryn qosa alǵanda AÓISShK-niń aǵymdaǵy qyzmeti men damýynyń keń aýqymy boiynsha konsýltativtik-keńesshi organ bolmaq.
