WorldBoxingNews.net portaly WBC tujyrymy boiynsha ańyzǵa ainalǵan álem chempiondarynyń úzdik ondyǵyn (Top-10) jariialady, reitingte qazaqstandyq boksshy Gennadii Golovkinge de oryn tabylǵan.
Golovkin barlyq ýaqyttaǵy WBC chempiondarynyń tiziminde burynǵysynsha joǵarǵy oryndardyń birinen kórindi, dep habarlady Sports.kz.
Ol ańyzǵa ainalǵan álem chempiondarynyń úzdik ondyǵynda jetinshi orynǵa turaqtady. Sarapshylardyń pikirinshe, WBC uiymy GGG-di orta salmaqtaǵy WBC tujyrymynyń ýaqytsha chempiony Djermall Charlomen kezdestirý úshin mundai qadamǵa ádeii baryp otyr.
Buǵan deiin Golovkin WBC belbeýin tórt ret qorǵady, degenmen biylǵy jyldyń qyrkúieginde "Kanelo" Alvaresten tóreshiler sheshimi boiynsha jeńildi. Osydan keiin ol kolýmbiialyq Rodrigo Valdes, argentinalyq Serhio Martines jáne Virgin araldarynyń ókili Emil Griffitti artqa tastap, reitingte jetinshi oryndy ielendi.
WBC tujyrymy boiynsha álem chempiondarynyń úzdik ondyǵy:
1. Shýgar Rei Leonard (AQSh)
2. Bernard Hopkins (AQSh)
3. Djoi Djiardello (AQSh)
4. Karlos Monson (Argentina)
5. Marvin Hagler (AQSh)
6. Nino Benvenýti (Italiia)
7. Gennadii Golovkin (Qazaqstan)
8. Emil Griffit (Virgin araldary)
9. Serhio Martines (Argentina)
10. Rodrigo Valdes (Kolýmbiia).
