«Astana» óńirlik qolbasshylyǵyna qarasty 06708 áskeri bólimindegi jas sarbazdar Otan aldynda adal bolýǵa ant berdi.
Saidyń serke tasyndai qaz-qatar tizilgen jas sarbazdar Otan aldyndaǵy jaýyngerlik mindetin adal atqarý úshin jinalǵandar aldynda ant berdi.
Áskeri ant qabyldaǵan sarbazdardy Qaraǵandy oblysynyń Priozersk qalasy ákiminiń orynbasary Botakóz Qazieva men aýǵan soǵysynyń ardageri internatsionalist-jaýynger Polat Turlybaev quttyqtady.
– Sizder búgin naǵyz Otan qorǵaýshy atanyp, elin-jerin kózdiń qarashyǵyndai saqtaýǵa ant berdińizder. Alda áskeri ómirdiń qyr-syryn úirenip, jigittik mektepten ótesizder. Bir jyl áskeri boryshtaryńyz abyroily ótsin, – dedi ardager Polat Turlybaev.
Atalmysh ant qabyldaý rásiminen keiin sarbazdar túrli áskeri mamandyqtardy meńgeretin bolady. Jaýyngerilk oqý-jattyǵýlar barysynda shynyǵyp, shymyr bolyp týǵan úilerine oralady.
– Men, búgin Otan aldynda jáne onyń zańdy sailanǵan Prezidenti aldynda adal bolýǵa ant berdim. Bir jyl boiy áskeri mekteptiń tájiribesin áli talai úirenip, tálimin alatyn bolamyz. Sondyqtan ózime jáne qarýlas dostaryma da el qorǵaý jolynda tek sáttilik tileimin, – dedi qatardaǵy jaýynger Saraev Baqdáýlet.
Dýman Jumashuly,
Priozersk garnizonynyń baspasóz hatshysy
