BUU Bas Assambleiasy juma kúngi otyrysta Antoniý Gýterrishti dúniejúzilik uiymnyń Bas hatshysy etip ekinshi merzimge taǵaiyndady. Tiisti sheshim týraly otyrysta BUU Bas Assambleiasynyń 75-shi sessiiasynyń tóraǵasy Volkan Bozkyr málimdedi, dep habarlaidy "Ult aqparat" TASS agenttigine silteme jasap.
«Men 2022 jyldyń 1 qańtarynan bastap 2026 jyldyń 31 jeltoqsanyna deiin Antoniý Gýterrishtiń BUU Bas hatshysy bolyp ekinshi merzimge taǵaiyndalǵanyn jariialaý qurmetine ie boldym», - dedi ol.
Gýterrishti taǵaiyndaý týraly qarar jalpyǵa birdei maquldaýymen daýys berýsiz qabyldandy.
Taǵaiyndaý týraly habarlanǵannan keiin, Bozkyr syrtta sheshim kútip turǵan Gýterrishti zalǵa shaqyryp, ant bergizdi.
Gýterrish BUU Bas hatshysy qyzmetine jalǵyz úmitker boldy. Buǵan deiin ony dúniejúzilik uiymnyń Qaýipsizdik Keńesi qoldaǵan. BUU Bas Assambleiasy Qaýipsizdik Keńesiniń usynystarymen bir ret qana 1950 jyly kelispegen bolatyn.
Aita keteiik, BUU Bas hatshysy bes jyldyq merzimge sailanady.
