بۇۇ باس اسسامبلەياسى جۇما كٷنگٸ وتىرىستا انتونيۋ گۋتەرريشتٸ دٷنيەجٷزٸلٸك ۇيىمنىڭ باس حاتشىسى ەتٸپ ەكٸنشٸ مەرزٸمگە تاعايىندادى. تيٸستٸ شەشٸم تۋرالى وتىرىستا بۇۇ باس اسسامبلەياسىنىڭ 75-شٸ سەسسيياسىنىڭ تٶراعاسى ۆولكان بوزكىر مەلٸمدەدٸ, دەپ حابارلايدى "ۇلت اقپارات" تاسس اگەنتتٸگٸنە سٸلتەمە جاساپ.
«مەن 2022 جىلدىڭ 1 قاڭتارىنان باستاپ 2026 جىلدىڭ 31 جەلتوقسانىنا دەيٸن انتونيۋ گۋتەرريشتٸڭ بۇۇ باس حاتشىسى بولىپ ەكٸنشٸ مەرزٸمگە تاعايىندالعانىن جارييالاۋ قۇرمەتٸنە يە بولدىم», - دەدٸ ول.
گۋتەرريشتٸ تاعايىنداۋ تۋرالى قارار جالپىعا بٸردەي ماقۇلداۋىمەن داۋىس بەرۋسٸز قابىلداندى.
تاعايىنداۋ تۋرالى حابارلانعاننان كەيٸن, بوزكىر سىرتتا شەشٸم كٷتٸپ تۇرعان گۋتەرريشتٸ زالعا شاقىرىپ, انت بەرگٸزدٸ.
گۋتەرريش بۇۇ باس حاتشىسى قىزمەتٸنە جالعىز ٷمٸتكەر بولدى. بۇعان دەيٸن ونى دٷنيەجٷزٸلٸك ۇيىمنىڭ قاۋٸپسٸزدٸك كەڭەسٸ قولداعان. بۇۇ باس اسسامبلەياسى قاۋٸپسٸزدٸك كەڭەسٸنٸڭ ۇسىنىستارىمەن بٸر رەت قانا 1950 جىلى كەلٸسپەگەن بولاتىن.
ايتا كەتەيٸك, بۇۇ باس حاتشىسى بەس جىلدىق مەرزٸمگە سايلانادى.
