Jemqorlyqpen kúdikke ilingen astanalyqtardyń 40 paiyzdan astamy - memlekettik organ ókilderi.
Nur-Sultan qalasy sybailas jemqorlyqqa qarsy is-qimyl departamentiniń basshysy Shyńǵys Qabdýla Astana Adaldyq Alańy jobalyq keńsesinde ótken onlain brifingide osyndai derek keltirdi, dep habarlaidy QazAqparat.
«Kúdikke ilingenderdiń 40 paiyzdan astamy – memlekettik organdardyń ókilderi. Óndiriste jatqan 192 qylmystyq istiń ishinde 82 paiyzy boiynsha tergeý aiaqtaldy. Onyń 45-i sotqa joldandy. Qylmystyq ister boiynsha qabyldanǵan sheshimder aiasynda memleket biýdjetine 2 mlrd teńgeden astam qarajat óndirildi», - degen departament ókili astananyń memlkettik organdarynda tirkelgen atyshýly jemqorlyq isterdi eske saldy.
Onyń ishinde pandemiia kezinde oqýshylarǵa arnalǵan planshet satyp alý sharalaryn burmalaý arqyly 1 mlrd teńge jymqyrý isine jaýaptylardyń qandai jaza arqalaǵany da aityldy.
Atalmysh sharada, Shyńǵys Qabdýla Nur-Sultanda jemqorlyq qylmystary qai salada jii tirkeletinin aitty.
«Bul sandy salalarǵa jiktesek, eń kóp qylmys quqyq qorǵaý blogyna tiesili. Bul salada 28 fakti anyqtaldy. Densaýlyq saqtaý salasynda – 10, qurylys salasynda – 6, energetika salasynda - 8, bilim berýde – 3 qylmys tirkeldi. Salyq jáne mádeniet salasynda da osyndai tendentsiia baiqalyp otyr.
Jalpy qylmystyq jaýapqa 47 tulǵa tartyldy. Onyń ishinde respýblikalyq mańyzdaǵy 3, qala deńgeiindegi 2 laýazymdy tulǵa bar. Qala deńgeiindegi 30 adamǵa bas bostandyǵynan aiyrý, aiyppul siiaqty túrli jazalar taǵaiyndaldy. Onyń arasynda 20 adam sybailas jemqorlyq qylmys jasaǵany úshin sottaldy», - dedi departament basshysy.
