جەمقورلىقپەن كٷدٸككە ٸلٸنگەن استانالىقتاردىڭ 40 پايىزدان استامى - مەملەكەتتٸك ورگان ٶكٸلدەرٸ.
نۇر-سۇلتان قالاسى سىبايلاس جەمقورلىققا قارسى ٸس-قيمىل دەپارتامەنتٸنٸڭ باسشىسى شىڭعىس قابدۋلا Astana Adaldyq Alańy جوبالىق كەڭسەسٸندە ٶتكەن ونلاين بريفينگٸدە وسىنداي دەرەك كەلتٸردٸ, دەپ حابارلايدى قازاقپارات.
«كٷدٸككە ٸلٸنگەندەردٸڭ 40 پايىزدان استامى – مەملەكەتتٸك ورگانداردىڭ ٶكٸلدەرٸ. ٶندٸرٸستە جاتقان 192 قىلمىستىق ٸستٸڭ ٸشٸندە 82 پايىزى بويىنشا تەرگەۋ اياقتالدى. ونىڭ 45-ٸ سوتقا جولداندى. قىلمىستىق ٸستەر بويىنشا قابىلدانعان شەشٸمدەر اياسىندا مەملەكەت بيۋدجەتٸنە 2 ملرد تەڭگەدەن استام قاراجات ٶندٸرٸلدٸ», - دەگەن دەپارتامەنت ٶكٸلٸ استانانىڭ مەملكەتتٸك ورگاندارىندا تٸركەلگەن اتىشۋلى جەمقورلىق ٸستەردٸ ەسكە سالدى.
ونىڭ ٸشٸندە پاندەمييا كەزٸندە وقۋشىلارعا ارنالعان پلانشەت ساتىپ الۋ شارالارىن بۇرمالاۋ ارقىلى 1 ملرد تەڭگە جىمقىرۋ ٸسٸنە جاۋاپتىلاردىڭ قانداي جازا ارقالاعانى دا ايتىلدى.
اتالمىش شارادا, شىڭعىس قابدۋلا نۇر-سۇلتاندا جەمقورلىق قىلمىستارى قاي سالادا جيٸ تٸركەلەتٸنٸن ايتتى.
«بۇل ساندى سالالارعا جٸكتەسەك, ەڭ كٶپ قىلمىس قۇقىق قورعاۋ بلوگىنا تيەسٸلٸ. بۇل سالادا 28 فاكتٸ انىقتالدى. دەنساۋلىق ساقتاۋ سالاسىندا – 10, قۇرىلىس سالاسىندا – 6, ەنەرگەتيكا سالاسىندا - 8, بٸلٸم بەرۋدە – 3 قىلمىس تٸركەلدٸ. سالىق جەنە مەدەنيەت سالاسىندا دا وسىنداي تەندەنتسييا بايقالىپ وتىر.
جالپى قىلمىستىق جاۋاپقا 47 تۇلعا تارتىلدى. ونىڭ ٸشٸندە رەسپۋبليكالىق ماڭىزداعى 3, قالا دەڭگەيٸندەگٸ 2 لاۋازىمدى تۇلعا بار. قالا دەڭگەيٸندەگٸ 30 ادامعا باس بوستاندىعىنان ايىرۋ, ايىپپۇل سيياقتى تٷرلٸ جازالار تاعايىندالدى. ونىڭ اراسىندا 20 ادام سىبايلاس جەمقورلىق قىلمىس جاساعانى ٷشٸن سوتتالدى», - دەدٸ دەپارتامەنت باسشىسى.
