Antikor Ulttyq mýzei basshylyǵyna qatysty qylmystyq isti tergep-tekserýdi jalǵastyryp jatyr, dep habarlaidy "Ult aqparat" vedomstvonyń baspasóz qyzmetine silteme jasap.
"Nur-Cultan qalasy boiynsha Cybailas jemqorlyqqa qarsy qyzmet 2017-2018 jyldary «Aqparattyq resýrstarda obektilerdi tanymal etý úshin jalpyulttyq tizbege engizilgen obektilerdiń 3D modelderin qurý» jobasyn iske asyrý kezinde Ulttyq mýzei basshylyǵyna jáne basqa da tulǵalarǵa qatysty asa iri mólsherde biýdjet qarajatyn jymqyrý boiynsha sotqa deiingi tergeý júrgizip jatyr" - delingen habarlamada.
Ulttyq mýzei merdiger uiymdarǵa atalǵan joba aiasynda atqarylǵan jumystar úshin 1,3 mlrd teńge tólegen. Sonymen qatar júrgizilgen saraptamalyq zertteý jumystarynyń naqty quny 83,4 mln teńgeni quraǵany anyqtaldy.
Osylaisha, jumys quny 1,2 mlrd teńgege negizsiz ulǵaitylyp, memleketke asa iri mólsherde zalal keltirgen.
Tergep-tekserý amaldary jalǵasyp jatyr. Ózge aqparat tergeý múddesine sai jariia etýge jatpaidy.
