Óskemen qalasynda ájethanada qatarlasyn soqqyǵa jyqqan qyzdyń ákesi Antikorda jumys isteitini týraly aqparat shyndyqqa janaspaidy. Bul týraly QR Sybailas jemqorlyqqa qarsy is-qimyl agenttigi Shyǵys Qazaqstan oblysy boiynsha departamentiniń basshysy Denis Shakenov málim etti, dep habarlaidy "Ult aqparat".
"Áleýmettik jelilerde ShQO Sybailas jemqorlyqqa qarsy qyzmet qyzmetkerleriniń qoǵamda rezonans týdyrǵan ADK saýda ortalyǵynda bolǵan oqiǵaǵa qatysýshylarmen týystyq bailanysy bary týraly aqparat tarady. Bul derek shyndyqqa janaspaitynyn, oqiǵaǵa qatysqan adamdardyń ShQO Antikor qyzmetkerlerimen eshqandai týystyq qarym-qatynasy joq ekenin resmi túrde málimdeimiz", - dep jazdy ol Facebook paraqshasynda.
Sondai-aq ol áleýmettik jeli qoldanýshylaryna jalǵan aqparat taratqany úshin jaýapkershilik baryn eskertti.
"Qazaqstan Respýblikasy Qylmystyq kodeksiniń 274-babynyń 2-bóliginiń 3-tarmaǵyna sáikes, buqaralyq aqparat quraldaryn nemese aqparattyq-kommýnikatsiialyq jelilerdi paidalana otyryp, kórineý jalǵan aqparat taratý úsh jylǵa deiingi merzimge bas bostandyǵynan aiyrýǵa deiin qylmystyq jaýaptylyqty kózdeidi", - dedi Denis Shakenov.
