Foto: depositphotos.com
Memlekettik organdardyń laýazymdy adamdaryna para bergen kompaniia direktory sottaldy, - dep habarlaidy "Ult aqparat" Tengrinews.kz-ke silteme jasap.
Astana qalasynyń qylmystyq ister jónindegi mamandandyrylǵan aýdanaralyq sotynda "№2 jáne №5 nan bazasy" "Astyq qoimalary" JShS ókildikteriniń burynǵy direktory Júsipov M. 8 jyl 6 aiǵa bas bostandyǵynan aiyryldy.
"Ol memlekettik organdardyń laýazymdy adamdaryna asa iri mólsherde dándi daqyldardy jymqyrý faktisi boiynsha qylmystyq jaýaptylyqtan jaltarý úshin 350 myń AQSh dollary somasynda para berý boiynsha kúdiktendi.
Osy úkimmen para berýge itermelegeni jáne alaiaqtyqqa oqtalǵany úshin I. Barabash pen T. Demesinov árqaisysy 10 jylǵa bas bostandyǵynan aiyryldy. Sonymen qatar, Qostanai qalasy № 2 sotynyń úkimimen Qostanai advokattar alqasynyń advokaty O.V. Brantsevke qatysty úkim jariialandy", - delingen habarlamada.
Ol alaiaqtyq pen para berýge itermeleýge oqtalǵany úshin kináli dep tanyldy.
"O.V. Brantsev quqyq qorǵaý organdarynyń laýazymdy adamdaryna qylmystyq jaýaptylyqtan jaltarý úshin para berý syltaýymen óziniń qorǵaýshysy A.K. Sansyzbaevtyń 600 myń teńge mólsherindegi aqshalai qarajatyn zańsyz iemdengen. Oǵan paranyń 20 eselengen somasy 12 mln teńge mólsherinde aiyppul túrinde jaza taǵaiyndalyp, memlekettik qyzmette qyzmet atqarýǵa ómir boiyna tyiym salyndy".
Úkimder zańdy kúshine engen joq.
