Antarktidada tirkelgen joǵary temperatýraǵa bailanysty Igl aralynda qar jamylǵysynyń 20%-ǵa jýyǵy erip ketti, dep habarlaidy CNN.
NASA usynǵan jańa spýtnik sýretterinde Igl aralynyń (Antarktida túbeginiń soltústik-shyǵysynda ornalasqan) 2020 jyldyń aqpanynda tirkelgen Antarktidadaǵy ystyq bastalǵan jáne aiaqtalǵan ýaqyttaǵy beinesi jariialandy. Toǵyz kúnniń ishinde bul aralda jalpy maýsymda jinalǵan qardyń 20%-y erigen.
«Antarktidada bulai eshqashan tez erigen emes. Qar men muzdyń bulai erýi buryn Aliaska men Grenlandiiada baiqalǵan edi, biraq Antarktidada emes», - dep atap ótti amerikalyq geolog Maýri Pelto.
Budan buryn habarlanǵandai, 9 aqpanda Seimýr aralynda temperatýra 20,75 gradýs jylylyqty kórsetip, rekord ornatqan edi.
