Tanymal ánshi Dimash Qudaibergen jeke kásipti qolǵa alyp, óz atynan shai shyǵara bastady, dep habarlady Sputnik Qazaqstan.
Ánshiniń jańa kásibi týraly jańalyqty áleýmettik jelide estrada juldyzdary jarysa bólisti. Kópshilik shaidyń kóńilderinen shyqqanyn jazyp jatyr.
"Dimash, siz tamasha jansyz! Men sizdi erekshe unatamyn. Sizdi qatty jaqsy kóremin. Eshýaqytta toqtamańyz! Ózińizdi damytatynyńyz úshin rizamyn! Sizdiń esimińiz jazylǵan shaidy ishetinim úshin baqyttymyn", — dedi Daneliia Tóleshova.
Aigúl Imanbaeva atalǵan keshke óziniń uly Asyljanmen birge barǵan eken. Jeli qoldanýshylary Asyljan men Aijuldyz Adaibekovanyń qushaqtasyp sýretke túskenderin kórip olardan tamasha jup shyǵatynyn jazdy.
"Ulym ekeýimiz Dimash shaiynyń tanystyrylymyna keldik. Qanat, Sveta, Dimash sizderdi shyn júrekten quttyqtaimyz! Allam tek til-kózden aman qylsyn. Tilekshimiz qashan da", — deidi Aigúl Imanbaeva.
Al Janar Aijanovanyń qyzy óz kezeginde ánshige tanystyrylymǵa shaqyrǵany úshin alǵys aitty.
"Dimash dosym, shaqyrýyńa úlken rahmet! Bastap jatqan isińe sáttilik tileimin. Qaida júrseń de aman bol. Jaqsy kúnde jolyǵaiyq", — dep jazdy Aijuldyz Adaibekova.
Sondai-aq, atalǵan tanystyrylym barysynda Qanat pen Sveta Aitbaevtar ózderiniń kúmis toilaryn atap ótken eken. Juptyń otasqandaryna biyl 25 jyl tolyp otyr.
