تانىمال ەنشٸ ديماش قۇدايبەرگەن جەكە كەسٸپتٸ قولعا الىپ, ٶز اتىنان شاي شىعارا باستادى, دەپ حابارلادى Sputnik قازاقستان.
ەنشٸنٸڭ جاڭا كەسٸبٸ تۋرالى جاڭالىقتى ەلەۋمەتتٸك جەلٸدە ەسترادا جۇلدىزدارى جارىسا بٶلٸستٸ. كٶپشٸلٸك شايدىڭ كٶڭٸلدەرٸنەن شىققانىن جازىپ جاتىر.
"ديماش, سٸز تاماشا جانسىز! مەن سٸزدٸ ەرەكشە ۇناتامىن. سٸزدٸ قاتتى جاقسى كٶرەمٸن. ەشۋاقىتتا توقتاماڭىز! ٶزٸڭٸزدٸ دامىتاتىنىڭىز ٷشٸن ريزامىن! سٸزدٸڭ ەسٸمٸڭٸز جازىلعان شايدى ٸشەتٸنٸم ٷشٸن باقىتتىمىن", — دەدٸ دانەلييا تٶلەشوۆا.
ايگٷل يمانباەۆا اتالعان كەشكە ٶزٸنٸڭ ۇلى اسىلجانمەن بٸرگە بارعان ەكەن. جەلٸ قولدانۋشىلارى اسىلجان مەن ايجۇلدىز ادايبەكوۆانىڭ قۇشاقتاسىپ سۋرەتكە تٷسكەندەرٸن كٶرٸپ ولاردان تاماشا جۇپ شىعاتىنىن جازدى.
"ۇلىم ەكەۋٸمٸز ديماش شايىنىڭ تانىستىرىلىمىنا كەلدٸك. قانات, سۆەتا, ديماش سٸزدەردٸ شىن جٷرەكتەن قۇتتىقتايمىز! اللام تەك تٸل-كٶزدەن امان قىلسىن. تٸلەكشٸمٸز قاشان دا", — دەيدٸ ايگٷل يمانباەۆا.
ال جانار ايجانوۆانىڭ قىزى ٶز كەزەگٸندە ەنشٸگە تانىستىرىلىمعا شاقىرعانى ٷشٸن العىس ايتتى.
"ديماش دوسىم, شاقىرۋىڭا ٷلكەن راحمەت! باستاپ جاتقان ٸسٸڭە سەتتٸلٸك تٸلەيمٸن. قايدا جٷرسەڭ دە امان بول. جاقسى كٷندە جولىعايىق", — دەپ جازدى ايجۇلدىز ادايبەكوۆا.
سونداي-اق, اتالعان تانىستىرىلىم بارىسىندا قانات پەن سۆەتا ايتباەۆتار ٶزدەرٸنٸڭ كٷمٸس تويلارىن اتاپ ٶتكەن ەكەن. جۇپتىڭ وتاسقاندارىنا بيىل 25 جىل تولىپ وتىر.
