Qazaqstan Respýblikasy Ulttyq mýzeii Túrkiia Respýblikasynyń Ankara qalasynda Anadoly órkenietter mýzeiinde «Uly dala: tarih jáne mádeniet» kórmesin ashty, dep habarlaidy "Ult aqparat" mýzeidiń baspasóz qyzmetine silteme jasap.
«Qazaqstan álemdik qaýymdastyqty ózindik kóshpeli órkenietimen jáne tarihymen erekshe qyzyqtyrady. Qazirgi ýaqytta elimizde QR Tuńǵysh Prezidenti Elbasy N.Á. Nazarbaevtyń «Rýhani jańǵyrý», «Uly dalanyń jeti qyry» baǵdaramalarynyń aiasynda mádeniet pen óner salasynda kóptegen jumystar atqarylýda. Sonyń biri jáne biregeii ózderińiz kýá bolyp otyrǵan «Altyn adamnyń álem mýzeilerine sherýi» halyqaralyq jobasy. QR Mádeniet jáne sport ministrliginiń qoldaýymen QR Ulttyq mýzeii júzege asyryp otyrǵan bul joba aiasynda Qazaqstan táýelsizdiginiń simvolyna ainalǵan Altyn adam Eýropa, Aziia jáne ózge de jiyrmaǵa jýyq memlekettiń nazaryna usynylmaq. Túrkiia Respýblikasynyń Ankara qalasynda uiymdastyrylyp otyrǵan búgingi kórmeniń maqsaty Eýraziianyń uly dala beldeýinde erte temir dáýirinen qazirgi zamanǵa deiingi qalyptasqan tarihi-mádeni baýyrlas Túrkiia eline tanystyrý bolyp tabylady», - dedi sharanyń ashylý saltanatynda QR Ulttyq mýzeiiniń direktory Arystanbek Muhamediuly.
Sonymen qatar, A.Muhamediuly kórmeni uiymdastyrýǵa kómek kórsetken Túrkiianyń Mádeniet jáne sport ministrligine, Qazaqstan Respýblikasynyń Túrkiia Respýblikasyndaǵy Elshiligine, Halyqaralyq TIýRKSOI ujymyna alǵys bildirdi.
Sharanyń ashylý saltanatyna Qazaqstan Respýblikasynyń Túrkiia Respýblikasyndaǵy Tótenshe jáne ókiletti Elshisi Abzal Saparbekuly, Mýzeiler men mádeni eskertkishterdiń Bas direktory Gokhan Iazgy, TIýRKSOI Bas hatshysy Dúisen Qaseiinov qatysty.
Atalǵan kórme «Altyn adamnyń álem mýzeilerine sherýi» halyqaralyq kórme jobasy aiasynda 12 qyrkúiekten 12 qazanǵa deiin jalǵasady.
Kórmege Qazaqstan Respýblikasy Ulttyq mýzeiiniń qorlarynan barlyǵy 207 zat usynyldy.
