«Astana» PKSK bas menedjeri Asqar Batalov búgin fýtbol klýbynyń ujymyna jańa atqarýshy direktordy tanystyrdy, dep habarlaidy "Ult aqparat" klýbtyń resmi saityna silteme jasap.
«Bul laýazymǵa 49 jastaǵy aǵylshyn mamany Pol Eshýort taǵaiyndaldy. Pol uzaq jyldar boiy óz elinde «Norvich Siti», «Kembridj Iýnaited», «Piterboro Iýnaited» siiaqty klýbtarda jumys istegen. Keiin Latviianyń «Venspils», «Riga» jáne «Skonto» klýbtarynda 10 jyl tájiribe jinaqtady. Budan tys, «Rostov» fýtbol klýbynyń (Resei) sport direktory, bas bapker mindetin atqardy, keiinnen Nigeriianyń «Kvara» jáne «Ondý Steit» klýbtarynda tehnikalyq direktor boldy.
Osylaisha, Pol Eshýort ári bapkerlik, ári jetekshilik sheberlikterin meńgerdi. Bas menedjer, sport direktory, tehnikalyq direktor bola júrip, kásibi fýtbolshylar komandalarymen de, jastarmen de jaqsy jumys istedi», - delingen habarlamada.
Eske sala keteiik, eńbek kelisimshartynyń aiaqtalýyna bailanysty «Astana» fýtbol klýbynyń prezidenti Saian Hamitjanov pen atqarýshy direktory Qaisar Bekenov klýbtan ketken bolatyn.
