Osy aptanyń basynan Angliiada oqshaýlaý rejimin buzǵany úshin tólenetin aiyppul kólemi ósti. Bul aiyppul úiden tys jerde bolǵan nemese Covid-19 belgileri bar nemese naýqastardy baqylap otyratyn «Test and Trace» baǵdarlamasynyń qyzmetkerleri habarlasqannan keiin anyqtalatyn adamdarǵa qatysty, dep habarlaidy VVS.
Alǵash ret rejimdi buzýshylar 1000 fýnt (shamamen 1,3 myń dollar) tóleýge májbúr bolady. Karantindi ekinshi ret buzǵandar úshin 10 myń fýntqa deiin (13 myń AQSh dollary) aiyppul qarastyrylǵan.
Úkimet ózin-ózi oqshaýlaý rejimi taǵaiyndalǵan adamdardyń óte az paiyzy ony ustanatyndyǵyn kórsetken zertteý nátijelerinen keiin aiyppuldy kóbeitýdi sheshti. Britaniianyń Shotlandiia, Ýels jáne Soltústik Irlandiia siiaqty óńirleri de osyndai sharalardy engizýdi josparlap otyr.
Britaniianyń NHS ulttyq densaýlyq saqtaý júiesiniń ókilderi úkimet bólek qurǵan Test and Trace baǵdarlamasyn synǵa aldy. Dárigerler Test and Trace aldaǵy qysta synaqtarǵa degen úlken suranysty eńsermeýi múmkin jáne qosymsha resýrstarǵa muqtaj dep alańdap otyr.
«Baǵdarlama el úshin órt pen qylmysqa qarsy kúres siiaqty mańyzdy, eger ol jumys istemese, bárimiz zardap shegemiz», dedi BBC-ge bergen suhbatynda NHS Providers uiymynyń basshysy Kris Hopson.
