وسى اپتانىڭ باسىنان انگلييادا وقشاۋلاۋ رەجيمٸن بۇزعانى ٷشٸن تٶلەنەتٸن ايىپپۇل كٶلەمٸ ٶستٸ. بۇل ايىپپۇل ٷيدەن تىس جەردە بولعان نەمەسە Covid-19 بەلگٸلەرٸ بار نەمەسە ناۋقاستاردى باقىلاپ وتىراتىن «Test and Trace» باعدارلاماسىنىڭ قىزمەتكەرلەرٸ حابارلاسقاننان كەيٸن انىقتالاتىن ادامدارعا قاتىستى, دەپ حابارلايدى ۆۆس.
العاش رەت رەجيمدٸ بۇزۋشىلار 1000 فۋنت (شامامەن 1,3 مىڭ دوللار) تٶلەۋگە مەجبٷر بولادى. كارانتيندٸ ەكٸنشٸ رەت بۇزعاندار ٷشٸن 10 مىڭ فۋنتقا دەيٸن (13 مىڭ اقش دوللارى) ايىپپۇل قاراستىرىلعان.
ٷكٸمەت ٶزٸن-ٶزٸ وقشاۋلاۋ رەجيمٸ تاعايىندالعان ادامداردىڭ ٶتە از پايىزى ونى ۇستاناتىندىعىن كٶرسەتكەن زەرتتەۋ نەتيجەلەرٸنەن كەيٸن ايىپپۇلدى كٶبەيتۋدٸ شەشتٸ. بريتانييانىڭ شوتلاندييا, ۋەلس جەنە سولتٷستٸك يرلاندييا سيياقتى ٶڭٸرلەرٸ دە وسىنداي شارالاردى ەنگٸزۋدٸ جوسپارلاپ وتىر.
بريتانييانىڭ NHS ۇلتتىق دەنساۋلىق ساقتاۋ جٷيەسٸنٸڭ ٶكٸلدەرٸ ٷكٸمەت بٶلەك قۇرعان Test and Trace باعدارلاماسىن سىنعا الدى. دەرٸگەرلەر Test and Trace الداعى قىستا سىناقتارعا دەگەن ٷلكەن سۇرانىستى ەڭسەرمەۋٸ مٷمكٸن جەنە قوسىمشا رەسۋرستارعا مۇقتاج دەپ الاڭداپ وتىر.
«باعدارلاما ەل ٷشٸن ٶرت پەن قىلمىسقا قارسى كٷرەس سيياقتى ماڭىزدى, ەگەر ول جۇمىس ٸستەمەسە, بەرٸمٸز زارداپ شەگەمٸز», دەدٸ BBC-گە بەرگەن سۇحباتىندا NHS Providers ۇيىمىنىڭ باسشىسى كريس حوپسون.
