Britaniia antivirýstyq sharalardy tolyǵymen alyp tastamaq. Bul týraly BBC habarlaidy
Pandemiianyń basynan beri ǵalamshardaǵy koronavirýs juqtyrǵandardyń sany 187 mln adamǵa jetti. Osy ýaqyt aralyǵynda virýstan 4 mln-nan asa adam kóz jumdy. Búgingi kúni álem boiynsha 3,4 mlrd adam vaktsina alǵan.
19 shildeden bastap Angliiada antivirýstyq sharalardyń barlyǵyna jýyǵyn alyp tastamaq. Britandyq sarapshylar bul sheshimniń juqtyrý jaǵdailarynyń jáne aýrýhanaǵa túsetin naýqastardyń kóbeiýine ákelýi múmkin ekenin eskertedi.
«Ahýal búgingiden nashar bolatyny anyq, eń nashar ahýaldyń qandai bolatynan túsinbei otyrmyz», - deidi Lafboro Ýniversitetiniń derekterdi taldaý boiynsha sarapshysy Dankan Robertson.
«Bul iadrolyq reaktordan basqaratyn tetikterdi alyp tastaýmen teń», - deidi Robertson.
Britandyq dárigerler qaýymdastyǵy keńesiniń tóraǵasy Chaand Nagpol Angliianyń áli de mańyzdy bóliginiń ekpe almaǵanyn eske salyp, shekteýlerdi alyp tastaýdyń jaǵdaidyń ýshyǵýyna ákelip, densaýlyq saqtaý júiesine edáýir salmaq túsirýi múmkin ekenin eskertedi.
