2005 jylǵy qarashadan Germaniia kantsleri qyzmetin atqarǵan Angela Merkel úkimet basshysy quzyretin resmi túrde aiaqtady.
26 qazanda prezident Frank-Valter Shtainmaier Merkel men onyń keńsesiniń múshelerine quzireti aiaqtalǵanyn rastaityn resmi gramotalar tapsyrdy, dep habarlaidy "Nemis tolqyny". Shtainmaier Merkeldiń úkimet basqarǵan jyldaryn el tarihyndaǵy eleýli oqiǵa dep atady.
Endi Konstitýtsiiaǵa sáikes, Merkel jáne úkimettiń basqa da músheleri, Germaniiada jańa úkimet jasaqtalǵansha, mindetti atqarýshy bolyp isteidi.
Germaniiada parlament sailaýy 26 qyrkúiekte ótti. Sailaýda Olaf Sholts bastaǵan sotsial-demokrattar partiiasy jeńiske jetti. Merkeldiń partiialar odaǵy ekinshi oryn aldy. Úkimet jasaqtaý jónindegi kelissózderge sotsial-demokrattar, "Jasyldar" jáne Germaniianyń erkin demokratiialyq partiiasy qatysyp jatyr.
