Belgili aktrisa Andjelina Djoli Bangladeshke jasaǵan úsh kúndik sapary aiasynda «Kýtýpalong» bosqyndar lagerine bardy, dep habarlaidy QazAqparat BUU Bosqyndar isteri jónindegi joǵarǵy komissarynyń resmi saityna silteme jasap.
BUU Bosqyndar isteri jónindegi joǵarǵy komissarynyń elshisi retinde Andjelina Djoli Teknaf áýejaiynan týra rohindja musylmandary turatyn bosqyndar lagerine bet aldy. Olar - 2017 jyldyń tamyzyndaǵy qaqtyǵystar kezinde Mianmadan qashyp shyqqandar.
Lagerdegi baspasóz máslihatynda sóz sóilegen Andjelina Djolidiń aitýynsha, bosqyndar sany birneshe aida 700 myńnan asqan.
BUU elshisiniń basqa lagerlerge de barady. Sondai-aq Bangladesh astanasy Dakkada eldiń premer-ministri Sheih Hasinamen jáne syrtqy ister ministri Ak Abdýl Momenmen kezdesedi.
Eske sala keteiik, Andjelina Djoli buǵan deiin Irak, Túrkiia, Malta, Livan, Iordaniia, Siriia, taǵy basqa elderdegi bosqyndar lagerlerinde bolǵan.
