Qazaqstandyq maman Andrei Karpovich Petropavldyń «Qyzyljar» komandasyna bas bapker bolyp taǵaiyndaldy, dep habarlaidy klýbtyń baspasóz qyzmeti.
Andrei Karpovich 1981 jyly Semei qalasynda dúniege kelgen. Úlken fýtboldaǵy alǵashqy qadamyn elimizdiń «Elimai», «Ertis», «Qairat», «Aqtóbe», «Lokomotiv», «Ordabasy», «Atyraý», «Shahter», «Altai» komandalarynda ótkizdi. Sondai-aq, Reseidiń «Rostselmash» jáne «Dinamo» (Máskeý) komandalarynda dop tepti.
2017-2018 jyldarda «Qairat» komandasynda bapker jáne bas bapkerdiń mindetin atqarýshy boldy. 2019 jyldan beri «Oqjetpes» komandasynyń tizginin ustady. Byltyr kókshetaýlyq klýb Premer-ligada sońǵy oryndy mise tutyp, birinshi ligaǵa túsip qaldy.
Esterińizge sala ketelik, buǵan deiin «Qyzyljar» komandasynda bas bapkerlikti moldovalyq Viacheslav Rýsnak atqardy.
