Andrei esimdi jankúierler «Qairattyń» biylǵy Qazaqstan chempionatyndaǵy sońǵy matchyna tegin kiredi, dep habarlaidy "Ult aqparat" klýbtyń resmi saityna silteme jasap.
Eske sala keteiik, bul - Andrei Arshavinniń almatylyq klýb sapyndaǵy sońǵy oiyny.
«Eger sizdiń atyńyz Andrei bolsa, chempionattyń sońǵy «Qairat» - «Shahter» oiynyna tegin kire alasyz. Ol úshin jai ǵana Ortalyq stadionnyń kassasyna kelip jeke kýáligińizdi kórsetseńiz jetip jatyr. Bir biletti qolyńyzǵa ustatady», - delingen klýbtyń málimdemesinde.
Andrei Arshavin «Qairatpen» qosh aitysatyn oiyn 11 qarasha kúni Almatynyń Ortalyq stadionynda ótedi.
