Aqtóbede mektep oqýshysy sotta anasyn óltirgenin moiyndap, otbasynda kórgen qorlyǵyn aitty, - dep habarlaidy Tengrinews.kz tilshisi Diapazon basylymyna silteme jasai otyryp.
40 jastaǵy áieldi óltirgeni úshin eki adam sottalyp jatyr, 16 jastaǵy qyzy jáne onyń jigiti. Birinshi otyrysta 18 jastaǵy aiyptalýshy súiiktisiniń qylmysqa qatysy joǵyn, bárin ózi jasaǵanyn aitty. Biraq ekinshi otyrysta ol kenet aiǵaqtaryn ózgertip, qyzdyń ózi anasyna birneshe ret pyshaq suqqanyn aitqan.
"Qyzymnyń anasy bólmege shaqyrdy, maǵan qarǵys aityp, qolymnan eshteńe kelmeitinin betime basty. Jalǵyz qyzynyń nazaryn ózime aýdarǵanym úshin, qyzy meni odan góri jaqsy kóretini úshin aýyr sóiledi. Ol ishimdik ishken, qonaq bólmesinde tórt quty syra bolǵan, úsheýi bos. Onyń aldynda pyshaq, qýyrylǵan balyq, nan turdy. Janjaldan keiin ol pyshaqty alyp, meni qorqyta bastady. Men odan pyshaqty alyp tastaýdy ótindim, tynysh sóilesýdi usyndym. Biraq ol maǵan pyshaqpen shabýyl jasai bastady.
Biz qonaq bólmeden júgirdik, men onyń qolynan pyshaqty qaǵyp, ony tunshyqtyra bastadym. Men buryn kúrespen ainalysqam, ony kinodaǵydai uiyqtatyp tastaý úshin tunshyqtyra bastadym. Ol meni qulatty, qyzǵa anasyn tynyshtandyrý úshin birdeńe jasaýyn ótindim. Sodan keiin qyzym pyshaq aldy, men soqqyny sezdim. "Ne istep jatyrsyń?!" degen aiǵaiymdy qyz estimedi", - dedi aiyptalýshy sotta.
