Teatr jáne kino óneriniń maitalmany Asanáli Áshimov - Reseidegi «Kinoshok» halyqaralyq kinofestivalinde nominatsiia jeńimpazy. Bul týraly QR Mádeniet jáne sport vitse-ministri Nurqisa Dáýeshov málim etti, dep habarlaidy "Ult aqparat".
«Qazaq elin quttyqtaimyn! Qazaq teatry men kino óneriniń maqtanyshy, Qazaqstannyń Eńbek Eri, KSRO Halyq artisi Asanáli Áshimov rejisser H.Ahmetovtyń «Árýaq» filminde somdaǵan róli úshin 2019 jyldyń 1-8 qyrkúiek aralyǵynda Anapa qalasynda ótken «Kinoshok» halyqaralyq kinofestivalinde «Eń úzdik er adam beinesi» júldesin jeńip aldy», - dep jazdy vitse-ministr Facebook-te.
«Árýaq» filmin Mádeniet jáne sport ministrligi tapsyrysy boiynsha Sh.Aimanov atyndaǵy «Qazaqfilm» kompaniiasy túsirgen. Kartinada Asanáli Áshimov aqyldylyq, parasattylyq pen danalyqty tý etken qazaq aqsaqalynyń obrazy - Aǵatai qart beinesin somdaidy.
«Qazaq akterlik mektebiniń kórnekti ókili Asanáli aǵamyz - óziniń naǵyz babyndaǵy sheber ekendigin, kásibi oryndaýshylyq sheberliginiń biiktigin taǵy bir dáleldedi. Asanáli Áshimovtei kórnekti tulǵamen maqtanamyz!», - dedi N.Dáýeshov.
