Óskemen qalasyna taiaý jerge apatty jaǵdaida qonǵan AN-2 ushaǵynyń qozǵaltqyshy órtengen. Bul jaiynda QR IIM Tótenshe jaǵdailar komitetinen málim etti, dep habarlaidy "Ult aqparat".
«26 aqpan kúni saǵat shamamen 13:00-de Praporshikovo aýylynan 10 shaqyrym jerde AN-2 ushaǵy qonǵan kezde qozǵaltqyshy órtengen. Ushqysh ushaqty aerodromnan tysqary jerde qondyrýǵa májbúr bolǵan. Bortta bolǵan 5 adam aman. Bir ushqyshqa meditsinalyq kómek kórsetilip jatyr. Oqiǵanyń mán-jaiy anyqtalý ústinde», - delingen taratylǵan aqparatta.
Buǵan deiin Azamattyq aviatsiia komiteti «Orlan 2000» áýe kompaniiasynyń An-2 áýe kemesi Óskemen – Aqsýat baǵyty boiynsha sanitarlyq reisti oryndaý barysynda apatqa ushyraǵanyn habarlaǵan edi.
