Foto: Depositphotos.com
"ArselorMittal Temirtaý" baspasóz qyzmeti áleýmettik jelilerde taraǵan «Mittal men jýrnalist áńgimesiniń» mátinin joqqa shyǵardy, - dep habarlaidy "Ult aqparat" Stopfake.kz portalyna silteme jasap.
Áleýmettik jeliler men messendjerlerde «Mittaldyń ashyq áńgimesi» dep atalǵan habarlama tarady. Mátinde bul "Arcelor Mittal" metallýrgiialyq kompaniiasynyń ortaq ielenýshisiniń jýrnalistpen «áńgimelesýinen úzindi» dep jazylǵan.
AMT baspasóz qyzmeti bul aqparatty joqqa shyǵardy.
«Taralǵan habarlama shyndyqqa janaspaidy», – dep habarlady kompaniianyń baspasóz qyzmetinen.
Jeliden izdegende «áńgimelesýden úzindi» áleýmettik jelilerde post túrinde ǵana shyqqany anyqtaldy. Basqa derekkózderde – resmi saittarda nemese buqaralyq aqparat quraldarynda Lakshmi Mittaldyń osy nemese Kostenko atyndaǵy shahtada bolǵan qaiǵyly oqiǵadan keiin bergen basqa suhbattary týraly jazylmaǵan.
