AQSh týristerin pyshaqtaǵan Aýǵanstan azamaty Niderlandyda 26 jylǵa sottaldy. Sot sheshimi boiynsha, Aýǵanstan azamaty zardap shekkenderge eki millionnan eýrodan astam ótemaqy tóleýi tiis.
Aýǵanstan azamatyn jergilikti jerde ótken konkýrstaǵy Muhammmed paiǵambardyń karikatýrasy yzalandyrǵan. 2018 jyly Germaniiadan Amsterdamǵa kelip, vokzalda eki adamǵa pyshaq salǵan. Sonyń saldarynan bireýi sal bolyp qalǵan.
NL Times saity 20 jasar aiyptalýshyny Djaved S. dep ataidy. Politsiia buryn oǵan terrorlyq qylmys jasaýǵa ne túrtki bolǵany jaily habarlaǵan edi. Aiyptalýshynyń ózi qylmysyn moiyndap, islam dinin «qatygez jáne qara niet adamdardan qorǵaǵysy kelgenin» aitqan jáne jergilikti turǵyndardy emes, týristerdi jaralaǵany qatelik boldy dep sanaitynyn bildirgen.
Meditsinalyq saraptama aiyptalýshynyń psihikasynda aýytqý bolýy múmkin degen boljam jasaǵanymen, naqty qorytyndy shyǵarmaǵan.
Buryn Niderland tarapynyń suraýymen Germaniianyń quqyq qorǵaý organdary Aýǵanstan azamatynyń Germaniiadaǵy mekenin tintip, ol jerden qoǵamǵa qater tóndiretindei belgiler baiqalmaǵanyn málimdegen. Jeltoqsan aiynda Germaniia soty aiyptalýshyǵa bosqyn mártebesin berýden bas tartty. Bosqyn mártebesin suraǵan azamattyń Aýǵanstanda saiasi qýǵyn-súrginge ushyramaǵany, ómirine qaýip tónip turmaǵany alǵa tartylǵan.
