Ernar Sadyrbaevtyń tyńdarmandary ánshini Astana áýejaiynda kútip aldy. Qazaqstandyq oryndaýshy biyl Vitebskide (Belarýs) ótken "Slavian bazary-2018" halyqaralyq baiqaýynda 1-oryn ielendi, - dep habarlaidy Tengrinews.kz tilshisi.
Ánshi túngi saǵat 3-te ushyp keldi. Ony qymyzben, kámpittermen, sharlarmen, plakattarmen, sondai-aq, shashýmen kútip aldy. Keibir tyńdarmandary Instagram jelisinde tikelei efirge shyqty.
"Osy ýaqyt boiy maǵan moraldyq qoldaý kórsetkenderge, pikirler jazyp, video joldaǵan barlyq jerlesime, qazaqstandyqtarǵa shyn júrekten alǵys aitamyn. Rasynda da bul maǵan qatty kómektesti. Sebebi birinshi jáne ekinshi týrda men kishkenen syrqattanyp qaldym, biraq keiin úshinshi týrda sátti óner kórsettim", - deidi Ernar.
Keiinirek ánshi áleýmettik jelilerde ony Dimash Qudaibergen salystyryp jatqanyn baiqaǵanyn aitty.
"Endi ushyp kelip, Instagram ashyp, keibir adamdardyń pikirlerin oqyp aldym. Árine, meni Dimashpen salystyryp jatqany maǵan unaidy. Men ony adam retinde, dos retinde óte qatty jaqsy kóremin. Biz onymen burynnan tanyspyz. Meni onymen salystyrýdyń ózi - men úshin úlken qoshemet. Biraq onyń múlde basqa adam ekenin túsiný qajet. Ol óziniń stilinde óner kórsetedi, al meniń óz stilim bar. Ol fenomen - ony barlyǵy biledi. Biraq men de jaman emespen. Qalai bolǵan kúnde de biz ár túrli adambyz", - dedi Ernar.
Sondai-aq, ánshi prodiýseri Jan Muqanovqa alǵysyn aitty.
"Eń bastysy qasymda eshkim qalmaǵanda Jan aǵa maǵan sendi. Ol bolmaǵanda munyń barlyǵy bolmaityn da edi", - dedi Ámre.
Eske sala keteiik, qazaqstandyq ánshi Ernar Sadyrbaev halyqaralyq "Slavian bazary" baiqaýynda joǵary balǵa ie boldy. Baiqaýdyń nátijesi boiynsha, otandasymyz 156 ball jinady. Rýmyniianyń namysyn qorǵaǵan ónerpaz da osyndai ball aldy. Alaida, ádil qazylar alqasynyń tóraǵasy Aleksandr Morozovtyń sheshimimen Gran-pri Rýmyniiaǵa berildi. Birinshi oryn Qazaqstanǵa, ekinshi oryn Ýkrainaǵa, al úshinshi oryn Polsha men Belarýs elderine berildi. Birinshi orynǵa ie bolǵan Ernarǵa 15 myń dollar kóleminde aqshalai syiaqy tabys etildi.
