2018 jyly elektrondyq eńbek birjasy arqyly 380 myń qazaqstandyq turaqty jumys ornyn tapty. Bul týraly Halyqaralyq aqparattyq tehnologiialar mektebiniń basshysy Ámir Súleimenov málim etti, dep habarlaidy QazAqparat tilshisi.
«Eńbek jáne halyqty áleýmettik qorǵaý ministrligi enbek.kz elektrondyq eńbek birjasyn iske qosty. Onda HeadHunter, Rabota.nur.kz, market.kz, rabota.kz jáne basqa da Qazaqstandaǵy iri elektrondyq onlain-birjalary bar. Sondai-aq, enbek.kz saitynda jumysqa ornalastyratyn 50 jeke agenttiktiń aqparattary bar. Sonyń arqasynda enbek.kz Qazaqstandaǵy iri elektrondyq eńbek birjasyna ainaldy. Qazirgi tańda saitta 45 myń bos jumys orny usynylyp otyr jáne 364 myń jumys izdeýshi tirkelgen», - dedi Á.Súleimenov.
Onyń aitýynsha, enbek.kz saityna elektrondyq tsifrlyq qoltańbanyń kómegimen tirkelgennen keiin, qoldanýshy bos jumys ornyn ońai jariialai alady nemese kerisinshe, túiindemesin tirkei alady. Qyzmetterdi óńirge, mamandyqqa jáne basqa da qaǵidalar boiynsha izdeýge bolady. Sondai-aq, múmkindigi shekteýli jandar jáne jastar úshin jumys oryndary bar. Saittyń arqasynda 2018 jyly 380 myń qazaqstandyq turaqty jumys oryndaryn tapty.
